19 октябрь куни Исроил ҳарбий-ҳаво кучлари Ғазо секторидаги юнон православ черковига ҳужум қилди. Бу ҳақда “Skai” телеканали хабар берди.

Бомба портлаши оқибатида 18 киши ҳалок бўлган, ўнлаб кишилар яраланган. Қурбон бўлганлар орасида болалар ва аёллар ҳам бор.

Бундан ташқари, Исроил армиясининг Ғазо секторидаги ҳужуми оқибатида яна бир масжид бутунлай вайрон қилинган.
Юнон православ черковининг Қуддус патриархи Исроил армиясининг ҳаракатларини “ҳарбий жиноят” деб атаган ва уни эътибордан четда қолдириб бўлмаслигини қўшимча қилган.

Греция журналисти Арети Атанасиу Twitter ижтимоий тармоғида вайроналар остида “сон-саноқсиз жасад, эҳтимол 150 нафарга яқин одам бор” деб ёзган. Унинг сўзларига кўра, 400 нафарга яқин фаластинлик бўлган ибодатхона ҳудудига тўртта ракета учирилган.

• Фаластин
• Isroil
• Raketa