“Google” компанияси расмийлари тез орада “хавфсиз қидирув” фильтри ёрдамида сдандарт қидирувдан “номақбул” расмларни яшириш бошланишини эълон қилди. Бундан кўзланган мақсад одамларга ўзлари ва оила аъзоларини тасодифий тақиқланган (масалан зўравонлик) мазмунга эга бўлган контентдан ҳимоя қилиш учун мўлжалланган.

Қайд этилишича, ушбу ўзгартириш февраль ойи иккинчи ҳафтасининг иккинчи кунида (жорий йилнинг 7 февраль куни) нишонланадиган “Бутунжаҳон хавфсиз интернет куни”га тўғри келди.

Фильтрни қўллаш натижаси номақбул тасвирнинг хиралашиши бўлади, уни бир тугмани босиш билан олиш мумкин – агар фойдаланувчи 18 ёшдан ошган бўлса. Ёш “Google” ҳисоби орқали тасдиқланади. Агар сўралса, созламаларда “хавфсиз қидирув” бутунлай ўчириб қўйилиши мумкин.

Фильтр фақат “Google” қидирув натижаларида ишлайди ва фойдаланувчи бошқа қидирув тизимлари ёки веб-сайтларда топиши мумкин бўлган контентни блокламайди. Ишлаб чиқувчилар, шунингдек, “хавфсиз қидирув” 100 фоиз аниқ эмаслигини ва тасвирларни таҳлил қилишда ноаниқликлар бўлиши мумкинлигини таъкидламоқда.

Фильтрнинг ўзи янги эмаслигини ҳам таъкидлаб ўтиш керак. Ушбу тизим узоқ вақтдан бери вояга етмаган фойдаланувчилар учун ишлатилган, аммо у орқали болалар тўлиқ ҳимояланмаган. Шунинг учун энди вариант стандарт қидирув бўйича қўлланилади.

• Google
• Videokontent