Арманистоннинг собиқ президенти Серж Саргсян ўзидан олдинги президент Роберт Кочарян ҳибсга олинганидан кейин мансаб ваколатини суиистеъмол қилишда айбланмоқда. Бу ҳақда news.am республиканинг Коррупцияга қарши кураш қўмитасига таяниб хабар берди.

Сешанба куни Арманистон Бош прокуратураси Роберт Кочарян иши бўйича айбланаётганлар орасида собиқ президент Серж Саргсян, 2007 йилда вафот этган собиқ бош вазир Андраник Маркарян, Ереваннинг собиқ мери Гагик Бегларян ва яна олти киши борлигини эълон қилди.

“Коррупцияга қарши курашиш қўмитаси томонидан иккинчи президент Роберт Кочарянга қарши қўзғатилган жиноий иш доирасида собиқ президент Серж Саргсянга ҳам 2003 йил 18 апрелда қабул қилинган Жиноят кодексининг 308-моддаси 2-қисми (амалдаги Жиноят кодексининг 441-моддаси 2-қисми 5-бандига мос келади - мансабдор шахс томонидан ҳокимият ёки мансаб ваколатини суиистеъмол қилиш ёки улардан келиб чиқадиган таъсир ёки ваколат доирасидан четга чиқиш) бўйича айбловлар қўзғатилди”, дейилади нашр сайтида.

• Арманистон
• Президент