АҚШ Венесуэладаги 65 млрд баррелдан ортиқ тасдиқланган нефть захиралари устидан назоратни қўлга киритиш бўйича келишувга эришди. Бу ҳақда АҚШ президенти ўзининг Truth Social саҳифасида маълум қилди.

АҚШ Венесуэла билан мамлакатдаги 65 миллиард баррелдан ортиқ нефть захиралари Америка назоратига ўтишини назарда тутувчи келишув тузди. “Америка Қўшма Штатлари ҳозиргина Венесуэла билан жаҳон тарихидаги энг йирик нефть битими бўйича келишувга эришди”, - деб ёзди Трамп. Унинг сўзларига кўра, келишувларга давлат котиби Марко Рубио ва Пентагон раҳбари Пит Хегсет Венесуэланинг муваққат президенти Делси Родригес билан биргаликда ва хусусий бизнес иштирокида эришган. Трампнинг таъкидлашича, келишув америкалик солиқ тўловчилардан ҳеч қандай харажат талаб қилмайди.

• АҚШ
• Трамп
• Венесуэла
• нефть