АҚШда 36 ёшли аёл суд қарори билан фарзандининг отасига берилиши белгиланганидан сўнг 11 ойлик ўғлини олиб қочиб, унга ўқ узган. Бу ҳақда «The New York Post»га таяниб, «Zakon.kz» хабар берди.

Маълум қилинишича, Мэдин Вероника Дейли васийлик масаласидаги суд қароридан норози бўлган. Шундан сўнг у ўғлини Вайоминг штатидан Нью-Мексико штатига олиб қочган.

Ҳуқуқ-тартибот идоралари ходимлари аёлни Силвер-Сити шаҳри яқинидаги автoфургонлар тураргоҳидан аниқлаган. Полиция уни фургон ичига яширинганини кўриб, ҳудудни ўраб олган ва ичкарига кириш учун тегишли ордерни кутган.

Тергов давомида Дейли фарзандини отаси ва унинг қариндошларидан «ҳимоя қилгани» учун қилган ишидан афсусланмаслигини билдирган. У боланинг отаси фарзандига етарлича эътибор ва меҳр кўрсатмаганини даъво қилган.

Суд жараёнида аёл ўз айбига иқрор бўлган. Прокурорлар унга энг оғир жазо — умрбод озодликдан маҳрум қилиш жазоси тайинланиши мумкинлигини билдирган.