"Атиргул” танлови ғолиблари эълон қилинди

Куни кеча Ўзбекистон Журналистлар уюшмаси ташаббуси билан Оила ва хотин-қизлар қўмитаси ҳамкорлигида  хотин-қиз журналистлар ўртасида ўтказилган “Атиргул” кўрик-танлови ғолибларини тақдирлаш маросими бўлиб ўтди.

Маросимда танловнинг 12 та номинатсияси бўйича ғолиблар аниқланди:

“Энг яхши телевизион журналистик материал учун” номинатсияси ғолиби —

Шаҳло Эргашова, “Ўзбекистон” телерадиоканали “Сиёсий ва ижтимоий-иқтисодий” дастурлар бош муҳарририяти катта муҳаррири;

“Энг яхши радио журналистик материал учун” номинатсияси ғолиби — Дилфуза Бердиева, “Навоий” телеканали информатсион, ижтимоий-сиёсий, иқтисодий, ток-шоу ва кўнгилочар дастурлар муҳарририяти сухандони;

“Энг яхши босма ОАВ материали учун” номинатсияси ғолиби — Халима Халилаэва, “Вести Каракалпакстана” газетасининг махсус мухбири.

“Энг яхши интернет журналистика материали учун” номинатсияси ғолиби — Милана Аксёнова, “Подробно.уз” веб-сайти муҳаррири.

"Энг яхши ижтимоий тармоқ лойиҳаси учун" номинатсияси ғолиби — Мўтабар Хушвақтова,  “Ўрик гули” интернет лойиҳаси раҳбари;

"Энг яхши суриштирув журналистикаси учун" номинатсияси ғолиби — Гулмира Тошниязова, “Кун.уз” интернет нашри мухбири;

"Энг яхши фотожурналистика иши учун" номинатсияси ғолиби — Холида Мусурманова, “Ёшлар овози” газетаси фотомухбири;

"Энг яхши ҳужжатли филм ёки махсус медиалойиҳа учун" номинатсияси ғолиби —Махлиёхон Тожиева, “Аёл учун” электрон платформаси асосчиси.

"Энг яхши ёш журналист учун" номинатсияси ғолиби — Муслима Амонқулова, “Менинг юртим” телеканали мухбири;

"Энг яхши ҳудудий журналистик материал учун" номинатсияси ғолиби — Дилрабо Камолова, Тойлоқ тумани “Қўшчинор” газетаси мухбири.

"Жамоатчилик эътирофи мукофоти" номинатсияси ғолиби — Дилдора Хасанова, “Ўзбекистон тарихи” телеканали олий тоифали режиссёри;

"Ҳакамлар ҳайъатининг махсус мукофоти" номинатсияси ғолиби — Фотимахон Мансурова, “Янги Фарғона” газетаси мухбири.

Уларнинг ижодий ишлари муносиб эътироф этилиб, ташкилотчилар томонидан диплом, пул мукофоти ва қимматбаҳо совғалар топширилди.