Корея – Ўзбекистоннинг вақт синовидан ўтган дўсти ва алоҳида стратегик шериги;

Корея бизнеси Ўзбекистонда шунчаки фаолият юритишга эмас, балки янги ишлаб чиқариш қувватларини барпо этиш, технологиялар ва инфратузилмани ривожлантиришга инвеститсия киритишга таклиф қилинди;

Мақсад – Ўзбекистонни минтақадаги асосий ишлаб чиқариш, технологик ва экспорт майдонларидан бирига айлантириш;

Мамлакатимизда муҳим минераллар соҳасида яқин йилларда умумий қиймати 4 миллиард доллардан ортиқ бўлган 120 та лойиҳани амалга ошириш кўзда тутилган;

Ўзбекистоннинг табиий ресурслари, инсон капитали ва ўсиб бораётган бозорини Кореянинг технологиялари, муҳандислик тажрибаси ва жаҳон брендлари билан уйғунлаштириш таклиф этилди;

Устувор вазифа – шунчаки хомашё экспорт қилиш эмас, балки Ўзбекистонда чуқур қайта ишлашдан тортиб, тайёр юқори технологияли маҳсулот ишлаб чиқаришгача бўлган тўлиқ ишлаб чиқариш занжирларини яратиш;

2030-йилга қадар Ўзбекистон электротехника саноати ҳажмини 11 миллиард долларга, экспортни эса 5 миллиард долларга етказишни мақсад қилган;

Стратегик вазифа – йиғув ишлаб чиқаришларидан замонавий, тўлиқ сиклли кластерларга ўтиш;

Корея компаниялари, университетлари ва тадқиқот марказларини ўзбекистонлик ҳамкорлар билан ягона тандемга бирлаштириш таклиф этилди;

Нафақат маҳсулот ишлаб чиқариш, балки интеллектуал мулк ҳуқуқига эга бўлган янги маҳсулотларни ишлаб чиқиш ҳам муҳим;

Кореянинг етакчи компанияларига илмий тадқиқотлар, клиник база ва ишлаб чиқаришни бирлаштирган биофарматсевтика кластери ташкил этиш таклиф қилинмоқда;

Асосий эътибор мутахассислар тайёрлашга қаратилиши лозим. Шу боис, Ўзбекистон – Корея муҳандисларни тайёрлаш ягона таълим дастурини йўлга қўйиш муҳим ҳисобланади;

Корея инвесторларига транспорт ва шаҳар инфратузилмаси соҳасидаги лойиҳалар – Янги Тошкентдаги обектлар, аэропортлар, темир йўллар, автомобил магистраллари ва логистика марказлари таклиф этилди;

Ўзбекистон Корея компанияларининг Марказий Осиёдаги ишлаб чиқариш ва экспорт хабига айланиши учун барча имкониятларга эга. Шу мақсадда Ўзбекистон – Корея саноат-технологик алянсини ташкил этиш таклиф қилинди.