Британиялик актёр Тим Карри 80 ёшида вафот этди. У 25-август куни Лос-Анжелесдаги уйида ҳаётдан кўз юмган. Актёрнинг ўлими сабаби ҳозирча маълум қилинмаган. Бу ҳақда Реутерс хабар берди.

1946-йилда Англияда туғилган Тим Карри ижодий фаолиятини театр саҳнасида бошлаган. Кейинчалик АҚШга кўчиб ўтиб, фаолиятининг катта қисмини Голливудда давом эттирган.

Карри ўзбек томошабинларига, аввало, “Уйда ёлғиз 2: Ню-Ёркда адашган” филмидаги “Плаза” меҳмонхонаси ходими жаноб Ҳектор образи орқали таниш.

Актёрга жаҳон миқёсида шуҳрат келтирган роллардан бири эса 1975-йилда суратга олинган “Тҳе Роcкй Ҳоррор Пиcтуре Шоw” филмидаги доктор Франк-Н-Фуртер образи бўлган.

Тим Карри 2012-йилда инсултни бошдан кечирган. Шунга қарамай, у кейинги йилларда ҳам ижодий фаолиятини давом эттириб, турли овозли роллар ва бошқа лойиҳаларда иштирок этган.

Тим Карри ўзининг ёрқин театр, кино ва овозли ижролари билан кино тарихида ўчмас из қолдирди.