Тбилисида минглаб одамлар хорижий агентлар ҳақидаги қонунга қарши намойишга чиқди. Қайд этилишича, бу Грузиянинг Европа Иттифоқига қўшилишига тўсқинлик қилиши мумкин.

Хабарларга кўра, 7 март куни хорижий агентлар тўғрисидаги қонун лойиҳасини биринчи ўқишда қабул қилган Грузия парламенти олдидаги намойишларда бир неча минг киши қатнашган. Агар ташаббус қабул қилинса, Грузия Европа Иттифоқига номзод мақомини олиш ва НАТОга кириш имкониятидан маҳрум бўлиши мумкин.

Тбилисида парламент яқинидаги намойишлар полиция билан тўқнашувларга айланиб кетди. Намойишчиларга қарши махсус кучлар кўздан ёш оқизувчи газ ва сув пуркагичлардан фойдаланган, намойишчилар полицияга шишалар, шамлар ва “молотов коктейл”лари улоқтирган. Грузия президенти Саломе Зурабишвили эса намойишчиларни қўллаб-қувватлашини билдирган.

• Грузия
• Намойиш
• Yevropa Ittifoqi