Мактубда Ўзбекистонда ўзбек ва туркман халқлари ўртасидаги биродарлик ва дўстлик пойдеворини яратишга улкан ҳисса қўшган буюк туркман шоири ва мутафаккири Махтумқули Фироғийнинг 300 йиллигини кенг нишонлаш тўғрисида қабул қилинган қарор учун давлатимиз раҳбарига чуқур миннатдорлик билдирилган.

Шунингдек, Туркманистон Халқ Маслаҳати Раиси Ўзбекистонда Махтумқули Фироғийнинг 300 йиллик юбилейи кенг нишонланиши ўзбек ва туркман халқлари, шу қаторда, икки давлат ўртасидаги биродарлик ришталарининг бузилмаслиги, тарихий тақдирлари муштараклиги, якдиллиги ва ҳамиша бирга бўлишга тайёрлигининг навбатдаги тасдиғи бўлишига ишонч билдирган.

Гурбангули Бердимуҳамедов Ўзбекистон Президентига мустаҳкам соғлиқ, фаровонлик, фаолиятида янги муваффақиятлар, Ўзбекистон халқига эса тинчлик ва равнақ тилакларини изҳор этган.

• Президент
• Шавкат Мирзиёев
• Туркманистон
• мактуб