Кун бўйи барча нарсаларга улгуришга ҳаракат қилиб елиб-югурасиз, аммо ухлаш вақти етиб келганда кунлик 10 та вазифадан атиги 3 тасини бажаришга улгурган бўласиз.

Бу воқеа деярли барча билан содир бўлган. Аммо кўп инсонлар бекорга сарфланган вақтга эътибор қаратмайди. Шунинг учун ҳам қуйида сизга амалга ошириб бўлмас кўринса-да барча нарсага улгуриш усулларини келтириб ўтамиз.

Қандай қилиб кўпроқ вақт топиш мумкин?

1. Вақтингизни нимага сарфлаётганингизни аниқланг

Кунингизни таҳлил қилинг, таймер ишлатинг, қайси ишга қанча вақт сарфлаётганингизни аниқланг. Бу орқали вақтингизни нималарга сарфлаётганингизни ва нималардан воз кечишингиз кераклигини тушуниб оласиз.

2. Вақт “кушандалари”дан воз кечинг

Мана вақтимизни нималарга сарфлашни ўрганиб олдик. Бу рўйхатда ижтимоий тармоқлар, электрон почтани текширишлар, ўйинлар борми? Агар шундай бўлса, булардан воз кечиш вақти келди. Биринчи ўринда эътиборни телефонимизга қаратишимиз керак. Энг кўп вақтимизни оладиган нарса ҳам айнан шу.

3. Сизнинг ўрнингизга бошқа инсон қилиши мумкин бўлган ишларга қўл урманг

Ишингизда ўзингиз тушунмаган нарсаларга қўл урмаган маъқул, чунки бу нафақат кўп вақтингизни олади, балки, бошқа муаммоларни ҳам келтириб чиқариши мумкин. Яхшиси, бу иш учун бошқа ишчи ёлланг ёки шу соҳани тушунадиган ҳамкасбларингиздан ёрдам сўранг.

4. Йўқ дейишни ўрганинг

Тўғри айтилган “йўқ” кўп вақтингизни тежаб қолиши мумкин. Баъзи инсонлар ва нарсаларга “йўқ” дейишни ўрганишимиз керак. Бу сизнинг вазифангизга кирмаган иш, зерикарли кино ёки истамаган нарсангизга “йўқ” дейишни ўрганинг.

5. Олдиндан режалаштиринг

Ишларингизни бир кун, ҳафта, ой, йил олдин режалаштириб қўйинг. Унга режаларингиз, учрашувлар ва лойиҳаларни бажарилиш давомийлигини ёзиб боринг. Бу вақтни тўғри тақсимлашга ёрдам беради.

6. Тартибли бўлинг

Компьютер ёки уйингизда ҳужжатларингизни қанчалик кўп йўқотиб турасиз? Бу ҳам вақт йўқотишнинг сабабларидан бири бўлиши мумкин. Керакли вақтда керакли нарсани топа олишингиз учун миянгизни ва уйингизни тартибга келтиринг.

7. Мақсадларни аниқлаб олинг

Муҳимроқ ва унчалик муҳим бўлмаган, тезкор ва унчалик тезкор бўлмаган вазифаларингизни аниқлаб олинг.

8. Жараёнларни соддалаштиринг

Ҳар бир инсонда ҳар куни ёки ҳар ҳафта бажариши керак бўлган ишлар мавжуд. Бу ҳар куни почтани текшириб туриш ёки давомий ишлаш керак бўлган бирор бир лойиҳа бўлиши мумкин. Шу лойиҳалар учун умумий ёки осон қолиплар ўйлаб топишингиз, ишни осонлаштириши мумкин. 

9. Дам олиш ҳақида ҳам унутманг

Чарчоқ – самарадорликнинг асосий душманидир. Чарчаган ҳолингизда ҳам ишлашингиздан ҳеч қандай фойда йўқ, шунчаки вақтдан ютқизган бўласиз, холос. Чарчоқни ҳис қилганингизда диққатни бир жойга жамлашингиз қийинлашади ва мотивациянгиз ҳам йўқолиб боради. Шунинг учун ҳам дам олиб туришни унутмаслик керак. Иш давомида 5-10 дақиқалик дам самарадорлигингиз ошишига ёрдам беради.

• Фойдали
• лайфхак
• қизиқарли