Orion космик кемаси АҚШнинг Флорида штатидаги Кеннеди номидаги космик марказда SLS (Space Launch System) супероғир ракетаси билан бирлаштирилди ва Artemis II миссияси учун тайёр ҳолга келтирилди. Бу ҳақда АҚШ Миллий аэронавтика ва космик тадқиқотлар бошқармаси (NASA) хабар берди.  

Маълум қилинишича, кема бир вақтнинг ўзида яшаш модули ҳам ҳисобланади. Унда барча муҳим тизимлар жамланган: навигация, электроника, радиациядан ҳимоя, улкан иссиқликдан ҳимоя қилувчи экран.

2026 йилнинг февраль-апрель ойларида ракета NASA астронавтлари Рид Уайзман, Виктор Гловер ва Кристина Кох ҳамда Канада космик агентлиги астронавти Жереми Хансенни Ой орбитасига етказиши керак.

Бу 1972 йилдаги Apollo 17’дан кейинги Ойга биринчи бор одамлар билан амалга ошириладиган миссия бўлади. Тахминан 10 кун давом этадиган парвоз чоғида астронавтлар Ой атрофида айланиб чиқади, шунингдек, космосда кема тизимларининг кўплаб синовларини ўтказади. Инсоннинг Ой юзасига қўниши эса 2027 йилга режалаштирилган навбатдаги парвоз вақтида амалга оширилади.

Келгуси ҳафталарда Кеннеди базасида учишдан олдинги машғулот ўтказилади. Экипаж скафандрларни кийиб, ракета олдига йўл олади, сўнг кемага жойлаштирилади ва сўнгги дақиқалардаги тескари саноқ ҳолати сунъий тарзда бажарилади.

• НАСА
• Raketa