“Оскар” мукофоти совриндори бўлган режиссёр Алекс Гибни ҳозирда муҳим иш билан банд экани маълум бўлди.

Қайд этилишича, Гибни миллиардер Илон Маск ҳақида ҳужжатли фильм суратга олишини қайд этди.

“Бир қанча вақтдан бери амалга оширилаётган ушбу лойиҳа устида ишлаётганимдан жуда хурсандман. Мен билан ишлайдиган ғайриоддий жамоадан ҳайратдаман. Олға!” – дейди Алекс Гибни.

Фильм “Tesla”, “Twitter” ва “Space X” бош директорининг “портрети” сифатида тасвирланган, у Илон Маскни ва унинг дунёга таъсирини “ўрганиш вазифасини ўз зиммасига олган”. Лойиҳа “Jigsaw Productions” ишлаб чиқариш маркази томонидан амалга оширилади.

Ижрочи продюсерлар – Стейси Оффман (“Стив Жобс: Машинадаги одам”), Ричард Перелло (“Робин Уилямс: Менинг руҳимни кўринг”) ва Уилям Хорберг (“Қироличанинг юриши”). Алекс Гибни кўплаб ҳужжатли фильмлар, жумладан, “Робин Уилямс: Менинг руҳимни кўринг” ва “Ихтирочи: Кремний водийсида қонга бўлган ўчлик” фильмларидаги режиссёрлик ишлари билан танилган.

2008 йилда Гибни томонидан суратга олинган “Қоронғуликка йўналган такси” лойиҳаси энг яхши ҳужжатли фильм сифатида “Оскар”ни қўлга киритган.

Фильмнинг премьера санаси ҳозирча маълум эмас. Маскнинг ўзи суратга олишда иштирок этадими ёки йўқ, режиссёр бунга аниқ жавоб бермаган.

Қайд этиш мумкин, америкалик тадбиркор, муҳандис ва миллиардер Илон Маск “SpaceX” асосчиси, бош директори ва бош муҳандиси; “Tesla” инвестори, бош директори ва маҳсулот архитектори; “The Boring Company” асосчиси; “Neuralink” ва “OpenAI” асосчиларидан бири; “Twitter”нинг амалдаги эгаси.

2021 йилнинг 7 январь кунида у 185 миллиард долларга тенг бойлиги билан “Amazon” асосчиси Жефф Безосни ортда қолдирди ва биринчи марта сайёранинг энг бой одамига айланди. 2021 йилнинг 1 ноябрида у тарихда 300 миллиард долларлик кўрсаткичга эришган биринчи бизнесменга айланди.

• Ilon_Mask
• Сериал