Миллиардер Илон Маск ўзининг янги – “X.AI.” деб номланган компаниясига асос солди. Ушбу компания сунъий интеллект йўналишида фаолият олиб боради.
Маълум бўлишича, компания АҚШнинг Невада штатида рўйхатдан ўтказилган, унинг ягона соҳиби эса Маскнинг ўзи ҳисобланади.
Тадбиркор “Alphabet” корпорациясининг “DeepMind” сунъий интеллект лабораториясида фаолият олиб борган олим Игор Бабушкинни ишга олишга ҳам улгурган. “OpenAI” компаниясининг ChatGPT лойиҳаси устида ишлаган мутахассисларини “X.AI” компанияси томон оғдиришга ҳаракат қилинган, аммо бу борадаги уринишлар ҳеч қандай натижа бермаган.
Эслатиб ўтамиз, Илон Маск олимларни жорий йилнинг март ойида GPT-4'дан кучлироқ нейротармоқлар ишлаб чиқишни тўхтатишга чақирган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!