Кеча, 25 октябрь куни тунда Исроил Мудофаа кучлари Эроннинг бир қанча ҳудудларида ҳарбий нишонларга аниқ ва мақсадли зарбалар берганини айтди.

Таъкидланишича, Исроил самолётлари “уйларига хавфсиз қайтишган”. “Сўнгги ойларда Эрон режимининг Исроил давлати ва унинг аҳолисига қарши ҳужумларига жавобан зарба берилди. Жавоб зарбаси якунланди, миссия бажарилди”, – дейилади Исроил хабарида.

“Разведка маълумотларига кўра, ҳаво кучлари самолётлари Эрон ўтган йил давомида Исроил давлатига учирган ракеталарни ишлаб чиқаришда фойдаланилган қуроллар омборига зарба берган”, – дейилади маълумотда.

Шундан сўнг, Исроил мудофаа армияси (ИДФ) Эрондаги объектларга қилинган ҳужум якунланганини эълон қилди.

• Eron
• Havo hujumi
• Isroil
• Raketa
• Уруш