Бугун, 12 апрель, “Манчестер Сити” ва “Кристал Пелас” жамоалари Англия Премер-лигасининг 32-турида ўзаро тўқнаш келишади. Учрашув Тошкент вақти билан соат 16:30 да “Сити”нинг уй майдони “Этиҳад”да бўлиб ўтади.

“Шаҳарликлар” айни дам АПЛ жадвалида 52 очко тўплаган ҳолда 6-ўринда бормоқда. Улар “Челси” ва “Нюкасл” жамоаларидан бир очкога ортда қолмоқда. Ушбу ўйин ЕЧЛ йўлланмаси учун кураш олиб бораётган Гвардиола шогирдлари учун муҳим аҳамиятга эга. “Кристал Пелас” эса 43 очко билан 11-ўринда жойлашган. Жамоа сўнгги 17 ўйинда атиги икки марта мағлуб бўлиб, уларнинг 16 тасида гол ура олган. Мана шу кўрсатгичлар ҳам уларнинг яхши формадалигини кўрсатади. Бугун икки жамоа ўртасида шиддатли ўйин бўлиши аниқ.

ФИФА кунларидан қайтгандан буён бир тайм ўйнаган ўзбекистонлик ҳимоячи Абдуқодир Ҳусановнинг майдонга тушиши эса ҳамон номаълумлигича қолмоқда.

Маълумот учун, Пеп Гвардиола сўнгги икки ўйинда Ҳусановга дақиқалар бермади.

• АПЛ
• Abduqodir Husanov
• Manchester Siti