"Исроил мудофаа кучлари 10 февралга ўтар кечаси Ғазо секторининг жанубий қисмига қатор зарбалар берди" – дейилади хабарда.

1,3 миллионга яқин фаластинликлар у ерда бошпана топган, дейилади хабарда. Норвегия Қочқинлар кенгаши раҳбари Ян Эгеланднинг ББСга маълум қилишича, қочқинлар озиқ-овқат ва ичимлик суви танқислигига дуч келмоқда.

Аввалроқ, Исроил бош вазири Бинямин Нетаняху тинч аҳолини Рафаҳдан эвакуация қилиш режасини ишлаб чиқишни буюрган, бироқ одамларни айнан қаерга эвакуация қилиш мумкинлигига аниқлик киритмаган эди. Reuters агентлигининг Исроил расмийлари орасидан манбаси Рафаҳ аҳолиси Ғазо секторининг шимолий ҳудудларига юборилиши мумкинлигини билдирган. Шу билан бирга, октябрь ойидан бошлаб Исроил фаластинликларни анклавнинг шимолий ҳудудларидан жанубий ҳудудларга кўчишга мажбур қилган эди.

АҚШ президенти Жо Байден 9 февраль куни Исроилнинг Ғазо секторидаги ҳаракатларини “ҳаддан ошиш” деб атади. Бир кун аввал Оқ уй вакили Вашингтон Исроилнинг тинч аҳолини ҳимоя қилиш режасисиз Рафаҳдаги ҳарбий ҳаракатларини қўллаб-қувватламаслигини маълум қилган эди.

• Фаластин
• Isroil