Исроил оммавий ахборот воситалари Суриядан Исроилга миномётдан ҳужум қилингани ҳақида хабар беришди. Исроил армияси миномёт ҳужумига жавобан Сурия позицияларига зарба берди.
Буюк Британия Фаластин байроғидан фойдаланиш ва кўрсатишни тақиқлаши мумкин, чунки у "террорни улуғлайди". Буюк Британия ички ишлар вазири полициядан Британия шаҳарлари кўчаларида Фаластин байроқларини кўтарганларни ҳибсга олиш масаласини кўриб чиқишни сўрамоқда.
Исроил Ғазо секторида бир ойлик қуруқлик кампаниясига тайёргарлик кўрмоқда, деди Миср расмийси Times of Israel нашрига.
Исроил Мисрга газ экспортини тўхтатди.
Ироқдаги Ҳизбуллоҳ бригадалари бош котиби Аҳмад ал-Ҳамидави, агар АҚШ Фаластин-Исроил можаросига аралашса, ракеталари Америка базаларига зарба беришини айтди.
Франция ва Европа Иттифоқи Фаластиннинг ҲАМАС ҳаракатини террорчилик ташкилоти деб тан олди. Бу ҳақда Франция бош вазири Элизабет Борн хабар берган.
Американинг УСС Жералд Р. Форд самолёт ташувчи кемаси Исроилга яқинлашмоқда. Оқ уйнинг таъкидлашича, АҚШ самолёт ташувчи кемасининг жойлаштирилиши учинчи давлатларни Исроил атрофидаги кескинликни кенгайтиришдан қайтаришга қаратилган.
Маълум қилинишича, Америка махсус кучлари америкалик разведка зобитлари билан биргаликда Ғазо секторидаги америкалик гаровга олинганларни қутқаришда ёрдам бериш учун Исроилга етиб келган. Оқ Уйнинг малум қилишича, Исроилда 20 нафар АҚШ фуқароси бедарак йўқолган.
Исроилда қурбонлар сони 1200 кишидан ошди.
Исроилнинг Ғазо сектори бўйлаб берган зарбаларидан сўнг фаластинликлар орасида қурбонлар сони 900 га етган, уларнинг 260 нафари ёш болалар, 230 нафари аёллар 4,5 минг киши яраланган — Ғазо ССВ.
Исроил мудофаа вазири Йоав Галлант: “Биз уруш олиб боришнинг барча қоидаларини бекор қилдик. Аскарларимизда ҳеч нарса учун жавобгарлик бўлмайди. Ҳарбий судлар ҳам бўлмайди”.
Исроил армияси “Ал-Қассам” бригадасининг ҲАМАС ҳарбий қаноти қўмондони Муҳаммад Ад-Деифнинг уйига ҳужум қилиб, унинг отаси, укаси, болалари ва бошқа қариндошларини ўлдирди, деб ёзади Исроилнинг Haaretz газетаси. Қўмондоннинг ўзи тақдири ҳақида хабар берилмаган.
