Бу ҳақда Globe and Mail манбаларига таяниб хабар бермоқда.

Globe and Mail маълумотларига кўра, Трюдо 6 январь куни Либерал партия раҳбарлигидан кетишини эълон қилиши мумкин. Reuters эса Канада бош вазирига яқин манбага асосланиб, бундай эҳтимол ортиб бораётганини, аммо Трюдо ҳали якуний қарор қабул қилмаганини ёзмоқда.

Трюдо қарийб ўн йилдан буён (2015 йилнинг ноябрь ойидан ҳозиргача) Канада ҳукуматини бошқариб келмоқда. Канадада 2025 йилда парламент сайловлари ўтказилиши режалаштирилган, аммо Трюдо партиясининг рейтинги мухолифатдаги Консерватив партия рейтингидан анча паст (25 фоизга 38 фоиз).

Аввалроқ, оммавий ахборот воситалари ҳозирги бош вазир раҳбари бўлган Либерал партиянинг 50 дан ортиқ депутатлари Жастин Трюдо ўз лавозимини тарк этиши керак деган фикрга келишганини хабар қилган эди. Канаданинг демократик партияси (НДП) раҳбари Жагмит Сингҳ ҳам Трудони истеъфога чиқишга чақирган ва жамоатлар палатасининг навбатдаги йиғилишида Канада раҳбарига ишончсизлик овозини беришни эълон қилган.

• Бош вазир
• Iste'fo
• Канада