Ирландияда амалдаги давлат раҳбари Майкл Ҳиггинснинг ўрнини эгаллайдиган мамлакатнинг 10-президентини аниқлаб берувчи сайлов бўлиб ўтди. Овозларни санаш жараёни ҳали тугалланмаган бўлса-да, барча округлардан келган маълумотлар Конноллининг катта устунлик билан ғалаба қозонганини кўрсатмоқда.

Айни пайтда у 64 фоиз овоз тўплаган бўлса, рақиби Фине Гаэл партияси вакили Ҳизер Ҳамфрис 28 фоиз билан ундан анча ортда бормоқда. Ҳамфрис аллақачон рақибасини ғалаба билан табриклади.

“Кетрин барчамиз учун президент бўлади. У менинг ҳам президентим бўлади ва мен унга чин қалбдан энг эзгу тилакларимни изҳор этаман”, – деган у.

Ўзи туғилган Голуэй графлигида нутқ сўзлаган Коннолли дастлабки натижалар уни “ниҳоятда қувонтирганини” таъкидлаб ўтган.

Маълумот учун, Кетрин Коннолли мустақил сиёсатчи ҳисобланади. Уни бир қатор сўл партиялар, жумладан, Синн Феин ҳам қўллаб-қувватлади. У 2016 йилдан бери Ирландия парламентида фаолият юритмоқда, ундан олдин эса психолог ва адвокат сифатида ишлаган.

Маълумот учун, Ирландия парламент республикаси ҳисобланади ва ваколатларнинг аксарияти депутатлар катта қисмига таянадиган ҳукуматга тегишлидир. Президент етти йиллик муддатга сайланади ва асосан расмий маросимларни бажаради.

• Ирландия
• Президент
• saylov