Халқаро гроссмейстер, 2004-йилги FIDE Жаҳон чемпиони Рустам Қосимжонов Ўзбекистон эркаклар миллий терма жамоасига бош мураббий этиб тайинланди. Бу ҳақда Ўзбекистон шахмат федерацияси расмий Telegram саҳифасида маълум қилинди.

Рустам Қосимжонов – ўзбек шахматининг фахрли вакили, чуқур билим ва катта халқаро тажрибага эга мутахассис. У нафақат дунёнинг энг кучли гроссмейстерларидан бири сифатида танилган, балки халқаро даражадаги спортчилар билан мураббий сифатида ҳам фаол ишлаган.

“Энди унинг раҳбарлигида миллий жамоамиз олдида янги вазифалар турибди:

– халқаро майдондаги барқарор натижаларни мустаҳкамлаш;

– ёшлар учун замонавий тайёргарлик тизимини йўлга қўйиш;

– жамоани йирик мусобақаларга сифатли тайёрлаш”, – дейилади хабарда.

• Шахмат
• Тайинлов
• терма жамоа