Франциянинг Лувр музейидан ўғирланган миллий қимматбаҳо тошлар – “қироллик гавҳарлари” иши бўйича гумондорлар кеча, 25 октябрь куни кечқурун Париж яқинида қўлга олинди. Бу ҳақда “Le Parisien” газетаси хабар берди.

Париж прокурори Лор Бекконинг айтишича, гумондорлардан бири Парижнинг шимолида жойлашган Шарл де Голл аэропортида мамлакатни тарк этиш арафасида ушланган. У Жазоирга учиб кетмоқчи бўлгани аниқланган. Кейинги маълумотларга кўра, иккинчи гумондор Сен Сен Дени ҳудудида қўлга олинган. Париж прокурорининг маълум қилишича, жиноятчиларни қидиришда 100 дан ортиқ терговчи жалб қилинган.

Маълумот учун, содир этилган ўғирлик оқибатида етказилган зарарнинг дастлабки баҳоси 88 миллион еврони ташкил этади.

• Fransiya
• O'g'irlik
• музей