Олий Мажлис Қонунчилик палатасида “Киберхавфсизлик тўғрисида”ги қонун лойиҳаси депутатлар томонидан кўриб чиқилмоқда. Бу ҳақда Олий Мажлис Қонунчилик палатаси депутати Расул Кушербаев маълум қилди.

Мазкур қонуннинг мақсади:

– Ўзбекистон Республикаси кибермаконида киберхавфсизлик соҳасидаги муносабатларни тартибга солиш;

– Киберхавфсизлик соҳасидаги  ваколатли органнинг ваколатлари, ҳуқуқ ва мажбуриятларини белгилаш;

– Миллий киберхавфсизлик саноатини рағбатлантириш, ривожлантириш учун ҳуқуқий базани яратиш: давлат томонидан қўллаб-қувватлаш чораларини кўриш,  киберхавфсизлик бўйича мутахассислар тайёрлаш, миллий операцион тизим ва дастурий таъминотлар яратиш ва бошқалардан иборат.

Ушбу қонун лойиҳасига кўра, киберхавфсизлик соҳасидаги ваколатли давлат органи этиб Давлат хавфсизлик хизмати белгиланмоқда.

Маълумот учун, киберхавфсизлик – ахборот хавфсизлиги бўлиб, у шахс, жамият ва давлат манфаатларини ички ва ташқи таҳдидлардан ҳимоя қилиш ҳолатини англатади. 

• ДХХ
• Киберхавфсизлик