2023 йил октябрь ойида бошланган Россия газининг Ўзбекистонга етказиб бериш ҳажми ҳозир 5 миллиард куб метрдан ошди. Бу ҳақда Россия ТИВ матбуот котиби Мария Захарова хабар берди.

Унинг таъкидлашича, 2023 йилда Россия, Қозоғистон ва Ўзбекистон раҳбарлари “Газпром” ва “УзГазТраде” ўртасидаги икки йиллик шартнома асосида Россия табиий газини Қозоғистон орқали транзити таъминотини йўлга қўйган.

“Бугунги кунда етказиб бериш ҳажми 5 миллиард куб метрдан ошди.

Бундан ташқари, Россиянинг “Газпром” ва “ЛУКОЙЛ” компаниялари Ўзбекистон ҳудудидаги газ конларини ўзлаштириш бўйича қатор лойиҳаларни муваффақиятли амалга оширмоқда. Газ соҳасида ёки энергетика соҳасидаги икки томонлама ҳамкорликни секинлаштирадиган муаммолар йўқ.

Икки томонлама муносабатларимизда энергетика соҳасидаги ҳамкорлик муҳим ўрин тутади ва мамлакатларимиз ташқи ишлар вазирликлари яқин алоқада бўлиб, ушбу турдаги ҳамкорликни зарур сиёсий ва дипломатик ёрдам билан таъминламоқда”, – деди Захарова.

• Газ