Россиянинг Красноярск шаҳрида Тергов қўмитаси ва ҳарбий хизматчилар томонидан ўтказилган рейд давомида Ўзбекистон, Қирғизистон ва Тожикистондан 229 нафар муҳожир қўлга олинди. Бу ҳақда Siberian Express нашри хабар берди.

Унга кўра, федерал маълумотлар базасига киритиш учун ҳибсга олинганлардан геномик маълумотлар йиғилган. Рейд йирик чакана савдо тармоғининг тарқатиш маркази, ёғочни қайта ишлаш базаси ва ишлаб чиқариш-логистика мажмуасида бўлиб ўтди.

Маълумот учун, 2025 йил февралидан Ички ишлар вазирлигига чет эл фуқароларини мустақил равишда чиқариб юбориш ҳуқуқини берувчи қонун кучга киради.

Аввалроқ, Тожикистон Ташқи ишлар вазирлиги раҳбари Сирожиддин Мухриддин МДҲ давлатларини Тожикистон фуқаролари, айниқса, мигрантлар ва талабалар ҳуқуқларини поймол этаётганини танқид қилганди.