“Orda.kz” хабар беришича, Қозоғистоннинг Остонда шаҳрида 12 октябрь куни ёққан қор ортидан бир суткада 118 та йўл-транспорт ҳодисаси содир бўлган.

Қайд этилишича, пойтахт йўлларидаги ЙТҲ оқибатида 12 киши жароҳатланган. Полиция департаменти ҳайдовчи ва пиёдаларни об-ҳаво шароити ёмонлашганда эҳтиёткор бўлишга чақирмоқда.

“Казгидромет” прогнозига кўра, циклон ва у билан боғлиқ фронтал бўлимлар Қозоғистон ҳудудининг катта қисмига ўз таъсирини сақлаб қолади. Жануб ва жануби-шарқда 13 октябрь куни момақалдироқ билан ёмғир ёғади. Шимолий ҳудудларда қор ёғиши, бўрон кузатилиши ва ер музлаши кутилмоқда. Мамлакатнинг ғарбида, аксинча, қуруқ об-ҳаво сақланиб қолади.

• Qor
• Қозоғистон