Жорий йилнинг 3 ноябрь куни Ўзбекистон ва Қозоғистон чегарасидаги “С.Нажимов – Казигурт” назорат-ўтказиш пунктида ўзбекистонлик ҳайдовчи калтакланган. Бу ҳақда Транспорт вазирлиги хабар берди.

Қайд этилишича, Транспорт вазирлиги мазкур ҳолат бўйича Қозоғистон Республикаси Транспорт вазирлиги ва бошқа тегишли идоралари билан музокаралар олиб борилганини маълум қилди.

Музокараларда қозоқ томони ўзбек ҳайдовчисига жароҳат етказиш билан боғлиқ ҳодиса тегишли органлар томонидан назоратга олингани, ҳозирда Туркистон вилояти, Сариёғоч туман полиция бўлими томонидан тергов суриштирув ишлари олиб борилаётгани ва Қозоғистон Республикаси ЖКнинг 293-моддаси билан иш қўзғатилганлиги, гумондор шахс Қозоғистон фуқароси қидирилаётганини маълум қилган.

Шунингдек, “Курмангази” чегара ўтиш пунктида автотранспорт воситалари тўпланиб қолиши ҳолатини олдини олиш бўйича қозоқ томони барча тегишли чораларни кўраётгани маълум қилинди.

• Чегара
• Қозоғистон