Футбол бўйича Ўзбекистон миллий терма жамоаси ва Туркиянинг “Башакшеҳир” клуби ҳужумчиси Элдор Шомуродов фаолиятини Суперлиганинг бошқа бир жамоасида давом эттириши мумкин. Бу ҳақда Fotospor.com хабар берди.

Манбага кўра, “Фенербаҳче” чемпионат доирасида ўзининг ажойиб ўйини билан ажралиб турган Шомуродов бўйича “Башакшеҳир” билан боғланган. Клуб президенти Гўксел Гумушдог эса футболчининг трансфер ҳуқуқи учун 20 миллион евро талаб қилган.

“Башакшеҳир” ҳужумчини “Рома”да сотиб олиш учун жами 5,7 миллион евро сарфлаганди. Шунингдек, футболчининг кейинги трансферидан олинадиган фойданинг 10 фоизи Рим жамоасига берилади.

Элдор Шомуродов жорий мавсум “Башакшеҳир” сафида Туркия чемпионати доирасида 20 та учрашувда майдонга тушиб, 14 та гол ва 4 та ассист қайд этган.

• Елдор Шомуродов
• Футбол
• Трансферлар
• Туркия