“Манчестер Сити” бош мураббийи Пеп Гвардиола Англия Премер Лигасининг 16-тури доирасидаги “Фулҳем”га қарши баҳс олдидан ўзбекистонлик ҳимоячи Абдуқодир Ҳусановнинг ҳолати ҳақидаги саволларга жавоб берди.

“Ҳусановнинг ҳолати яхши, у ўйнашга тайёр. Унинг инглиз тилини билиш даражаси ҳақида гапирадиган бўлсам, тан оламан, Абдуқодир Уилям Шекспирдек гапира олмайди. Аммо бизнинг нимани хоҳлаётганимизни яхши тушунади, айтган гапларимизни тезда англайди ва кундан-кунга янада ривожланиб бормоқда. У жуда ақлли футболчи. Жисмонан кучли, тезкор ва доим керакли позицияларда пайдо бўлади”, – дейди испаниялик мутахассис.

Аввалроқ Ҳусанов “Ливерпул”га қарши баҳснинг 60-дақиқасида “шаҳарликлар” дарвозабони Жанлуижи Доннарумма билан тўқнашиб кетганди. Гвардиола таваккал қилишни истамади ва клуб шифокори тавсияси билан уни Рубен Диашга алмаштирди. Кейинроқ “Манчестер Сити” шифокорлари ўзбекистонлик ҳимоячининг ҳолати яхши эканлиги ва навбатдаги баҳсда майдонга тушиши мумкинлиги ҳақида маълум қилди.

Маълумот учун, “Манчестер Сити” ва “Фулҳем” баҳси 11 февралдан 12 февралга ўтар кечаси Тошкент вақти билан 00:30 да старт олади.

• Абдулла Абдуқодиров
• Angliya
• Гвардиола
• Manchester Siti