«18 апрель – Халқаро ёдгорликларни ва тарихий жойларни асраш куни» муносабати билан Туризм ва маданий мерос вазирлиги ҳамда унинг ҳузуридаги Маданий мерос агентлиги томонидан ОАБ ва блогерлар учун  Хоразм вилоятида пресс-тур ташкил этилди.

Кун давомида биз тарихий ёдгорлик Ичан қалъа билан яқиндан танишдик. Таассуротлар ажойиб. Ичан қалъа ростдан ҳам ҳар қанча эътибор ва эътирофга арзийдиган маскан. Бу ҳақиқий тарихий хазина..

Ичан қалъа — Ўрта Осиёдаги йирик ва ноёб меъморий ёдгорлик. Хиванинг ички қалъа (Шаҳристон) қисми. Ичан қалъа шаҳарнинг Дишан қалъа (ташқи қалъа) қисмидан кунгурадор девор билан ажратилган. У Хива работи (Дишан қалъа)дан баланд қўрғонтепага ўхшаб кўринади. Ичан қалъага 4 дарвоза (Боғча дарвоза, Полвон дарвоза, Тош дарвоза, Ота дарвоза)дан кирилган.

Қалъадаги меъморий ёдгорликларнинг яратилиш тарихи, асосан. 4 даврга тааллуқли: биринчиси Хоразмнинг қад. давридан то мўғуллар истилоси даврига қадар. Иккинчиси Хоразмнинг 1220 йилдаги мўғуллар истилосидан кейин тикланиш даври. Учинчи даври ХВИ—ХВИИ асрларга тўғри келади. Тўртинчи даври ХВИИИ—ХХ асрларни ўз ичига олади. Бу даврда Ота дарвозадан Полвон дарвозагача катта йўл ўтказилди.

Ичан қалъа ансамбли меъморий ёдгорлик сифатида муҳофазага олиниб, музейга айлантирилган (1961). 1990 йилдан Ичан қалъа Бутунжаҳон маданий мерос ёдгорликлари рўйхатига киритилган.

• Хива
• Хоразм
• qal'a