“Ўзбекистоннинг Олмаота шаҳридаги Бош консулхона ҳамда ушбу шаҳардаги Миграция агентлиги ваколатхонаси томонидан бир гуруҳ ҳамюртлар юртимизга қайтарилди,” – деб хабар қилмоқда “Дунё” агентлиги.

Олмаота шаҳрида иш берувчилар томонидан меҳнат ҳақлари берилмасдан, оғир моддий аҳволга тушиб қолган ўзбекистонликларга консуллик ҳужжатлари расмийлаштирилиб, уларга моддий ва маънавий ёрдам кўрсатилди.

Бош консулхона томонидан уларнинг Ўзбекистонга қайтиши учун тегишли сертификатлар берилиб, Миграция агентлиги ваколатхонаси томонидан Олмаота–Тошкент йўналиши бўйича авиачипталар сотиб олишда кўмаклашилган.

• Миграция
• Моддий ёрдам
• Ўзбекистонлик
• Қозоғистон