Колумбиянинг Кали шаҳридаги ҳаво кучлари базаси яқинида содир бўлган портлашда камида 5 киши ҳалок бўлди, 36 киши яраланди.

Бу ҳақда шаҳар ҳокимияти маълум қилди.

“Кали яна наркотеррорчилар ҳужуми қурбонига айланди. Бир неча дақиқа олдин ҳаво кучлари базаси яқинида юк машинаси портлаб кетди”, – деди шаҳар мери Алехандро Эдер аҳолига мурожаатида.

Кали ҳукуматининг Х ижтимоий тармоғидаги саҳифасида жабрланганларга ёрдам кўрсатиш учун шаҳардаги барча қутқарув хизматлари жалб қилингани ҳақида хабар берилган. “Ҳокимият 5 киши ҳалок бўлган ва 36 киши яраланган” деган дастлабки маълумотларга кўра”, — дейилади хабарда.

Эдер ҳужум учун жавобгарларни топишга ёрдам берадиган маълумот учун мукофот эълон қилди.

• Колумбия