Кеча, 5 март оқшомида Европанинг бир нечта гранд клублари миллий чемпионатлар доирасида ўз ўйинларини ўтказишди.

Хусуссан, Англия Премьер Лигасининг 26-турида «Ливерпул» жамоаси «Манчестер Юнайтед»ни меҳмон қилди. Турнинг марказий беллашувида кутилмаган натижа қайд этилди. Мезбонлар «Манчестер Юнайтед» дарвозасига жавобсиз 7 та гол йўллаб, йирик ҳисобда ғалаба қозонишди.

МЮ 1931 йилдан («Вулверҳемптон» 0:7) сўнг илк бор 7 та тўп ўтказиб юборди. Шунингдек, жамоанинг 11 ўйинлик мағлубиятсиз серияси барҳам топди.

Муҳаммад Салаҳ эса Фаулернинг рекордини янгилаб, 129 та гол билан, «Ливерпул» сафида АПЛда энг кўп гол урган ўйинчига айланди.

АПЛ | 26-тур

«Ливерпул» – «Манчестер Юнайтед» 7:0

Голлар: 1:0 – 43ʼ Гакпо, 2:0 – 47ʼ Нуньес, 3:0 – 50ʼ Гакпо, 4:0 – 66ʼ Салоҳ, 5:0 – 75ʼ Нуньес, 6:0 – 83ʼ Салоҳ, 7:0 – 88ʼ Фирмино.

Шунингдек, кеча Ла Лига етакчилари 24-тур учрашувларини ўтказишди. Дастлаб, «Барселона» «Валенсия»ни қийинчилик билан 1:0 ҳисобида таслим этди.

Ўйиндаги ягона гол Рафинья ҳисобига ёзилди. Иккинчи бўлимда эса мезбонлар ҳимоячиси Араухо  қўполлик учун қизил карточка олиб, майдондан четлатилди.

Ўз навбатида, «Реал Мадрид» «Бетис» қарши баҳс олиб бориб, нурсиз дуранг қайд этди. Шу тариқа кетма-кет иккинчи турда очко йўқотган «Қироллик клуби»нинг пешқадам «Барселона» билан очколардаги фарқи 9 тани ташкил қилди.

Ла Лига | 24-тур баҳслари

«Барселона» – «Валенсия» 1:0

Гол: 1:0 – 15ʼ Рафинья.

«Бетис» – «Реал Мадрид» 0:0

Бундан ташқари Италия чемпионатининг 25-турида «Рома» «Ювентус» билан рўбарў келиб, кичик 1:0 ҳисобида зафар қучган бўлса, «Интер» «Лечче»ни ишончли, 2:0 ҳисобида енгди.

А Серия | 25-тур

«Рома» – «Ювентус» 1:0

Гол: 1:0 – 53ʼ Манчини.

«Интер» – «Лечче» 2:0

Голлар: 1:0 – 29ʼ Мхитарян, 2:0 – 53ʼ Мартинес.

• Барселона
• Футбол
• Manchester Yunayted
• Real