1 февраль куни Мадинадан Фарғонага учаётган A321neo русумидаги C6 3336 рақамли Centrum Air авиакомпанияси рейсида Туркманистон ҳаво ҳудуди устидан учиб ўтаётганда двигателда мой сизиб чиқиши аниқланган. Бу ҳақда авиакомпания хабар берди.

Парвозларни амалга ошириш бўйича қўлланмага мувофиқ, ҳаво кемаси командири Фарғона халқаро аэропортига парвозни тўхтатиб, уни Мари аэропортига йўналтиришга қарор қилган. Захира самолёти тезкорлик билан Мари аэропортига етиб келгач, йўловчилар ва уларнинг юклари захира самолётида Фарғона аэропортига эсон-омон етказилган.

“Ҳозирда юқори малакали муҳандислар жамоамиз томонидан двигателдаги мой оқиши бартараф этилди ва самолёт тез орада Тошкентга йўловчисиз техник парвозни амалга оширади” – дейилади хабарда.

• Фарғона
• Ўзбекистон
• Samolyot
• Саудия Арабистони
• Туркманистон