Тақдимотда тадбиркорлик соҳасидаги мажбурий талабларни қайта кўриб чиқиш ва уларни мақбуллаштириш масаласи муҳокама қилинди.

Бугунги кунда бозорлар фаолиятига оид 20 га яқин ҳужжатда 500 дан ортиқ талаблар тарқоқ ҳолда юритилмоқда. Уларни тизимлаштириш орқали талабларнинг 30 фоиздан ортиғини мақбуллаштириш имконияти мавжудлиги қайд этилди.

Шунингдек, санитария талабларига мувофиқлик далолатномаси ҳамда текширувдан ўтадиган ходимлар рўйхатини электрон тизим орқали шакллантириш таклифи илгари сурилди.

Тақдимотда барча мажбурий талабларни ягона Мажбурий талаблар реестрига киритиш, уларни амалий кўрсаткичлар асосида баҳолаш ва комплекс мониторинг тизимини жорий этиш режалари кўриб чиқилди.

БАА ва Сингапур тажрибаси асосида самарасиз, эскирган ва ортиқча бюрократик талабларни бекор қилиш, “Бизнес калькулятор”, “гильотина” усули ҳамда “one in — one out” механизмини жорий этиш режалаштирилмоқда.

Шунингдек, ҳар бир талабнинг самарадорлигини мунтазам кузатиш ва ҳар 3 йилда қайта баҳолаш тизимини жорий этиш назарда тутилган.