10-декабрь куни Португалия терма жамоаси жаҳон чемпионатининг ярим финали йўлланмаси учун Марокашга қарши баҳс олиб боради. Португаллар ҳужумчиси Криштиану ўйинни яна захирада бошлаши кутилмоқда, ўйиннинг илк дақиқаларидан бошлаб Гансало Рамуш ҳужумда ўйнайди. Бу ҳақда Португалиянинг А Bola нашри хабар бермоқда.

Маълумот учун, Роналду Швейцарияга қарши баҳсда ҳам захирадан майдонга тушган эди. Бошланғич таркибда унинг ўрнини эгаллаган Рамуш 3 та гол урган эди.

Аввалроқ, Криштиану Роналду жамоанинг асосий таркибидан тушиб қолгани учун Португалия термасини тарк этмоқчи бўлганлиги ҳақида хабарлар тарқалди.

Аввалроқ, A Bola нашри ўтказган сўровномада 70 фоиз Португалия мухлислари Криштианунинг захирада қолишини исташлари ҳақида хабар берган эдик.

• Жаҳон чемпионати
• Марокаш
• Португалия
• Роналду