“Манчестер Сити” қишки трансферлар ойнаси пайтида таркибда келиб қўшилган футболчилардан 3 нафарини Европа Чемпионлар лигасида рўйхатдан ўтказди. 

УЭФА Чемпионлар лигасида янгиланган рўйхатни тақдим этиш учун сўнгги муддат кеча тунда ўз якунига етди. Клубларга гуруҳ босқичи якунлангач, 3 нафар янги футболчини Чемпионлар лигасида рўйхатдан ўтказишга рухсат берилганди. “Шаҳарликлар” қишда келиб қўшилган футболчилардан Омар Мармуш, Абдуқодир Ҳусанов ҳамда Нико Гонсалесни лигада рўйхатдан ўтказди. 

Эндиликда ўзбекистонлик футболчи 11-февраль куни “Этиҳад” стадионида ҳамда 19-февраль куни сафарда Испаниянинг “Реал Мадрид” жамоасига қарши учрашувларда иштирок этиш имкониятига эга ҳисобланади.

• Abduqodir Husanov
• Футбол
• Manchester Siti
• Ўзбекистон