Москва Жомеъ масжиди ёнида қора ниқоб, мўйнали палто ва ичкийимда суратга тушаётган қизнинг видеоси тарқалиши ортидан жиноий иш қўзғатилган. Бу ҳақда BBC Uzbek сайти хабар берган.

Видео пайшанба куни  оммавий ахборот воситалари ва ижтимоий тармоқларда тарқалган.
Россия Тергов қўмитаси матбуот хизматига кўра, “интернетни кузатиш жараёнида полиция провокасион руҳдаги видеони аниқлаган. Унда бир қизнинг диний сатҳ фонида ярим яланғоч ҳолатда суратга тушгани акс этган”.

Гумонланувчи 1981 йилда туғилгани маълум. Бошқа тафсилотлар келтирилмаган.
Москва Жомеъ масжиди имоми, Москва муфтийси Илдар Аляутдинов ибодатхоналар яқинидаги бундай суратлар жамиятнинг таназзулидан далолат деб таърифлаган. Муфтий фотосессияни “Навбатдаги провокацион амал сифатида кўришлари”ни айтган.

Диндорларнинг ҳис-туйғуларини ҳақорат қилиш Россияда 300 минг рублгача жарима ёки бир йилгача қамоқ жазосини кўзда тутади.

• Жиноят
• Россия