29°
Кечаси 17°
Тошкент вилояти Бекобод шаҳрида 1990 йилда туғилган шахс қарийб 1 кг “гашиш” билан қўлга тушди. Бу ҳақда вилоят ИИББ хабар берди.
Маълум қилинишича, республика бўйича ўтказилаётган “Қорадори – 2025” кенг кўламли тадбири доирасида Тошкент вилояти ИИББ тезкор ходимлари томонидан Бекобод шаҳар ИИБ ҳамда ДХХ вилоят бошқармаси ходимлари билан ҳамкорликда навбатдаги тезкор тадбир амалга оширилган.
Тадбир давомида Бекобод шаҳрида яшовчи 1990 йилда туғилган шахс қўшни давлатдан контрабанда йўли билан олиб келинган, қарийб 1 кг бўлган “гашиш” гиёҳвандлик моддасини шаҳарнинг “Наврўз” маҳалласи ҳудудида яшириб қўйилган жойидан олаётган вақтида ашёвий далил билан қўлга олинган.
Олиб борилган терговга қадар текширув давомида ушбу гиёҳвандлик моддаси тожикистонлик курьер томонидан контрабанда йўли билан етказиб берилгани аниқланган.
Мазкур ҳолат юзасидан ЖКнинг 273-моддаси (Гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш) 5-қисми билан жиноят иши қўзғатилган. Тергов ҳаракатлари олиб борилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
