“Футболчиларимиз Франция футболчиларини ҳақоратлагани учун Аргентина терма жамоаси номидан сардор сифатида Лионел Месси узр сўраши керак”, – деган мамлакат спорт вазири ўринбосари Хулио Гарро.

Шундан сўнг, Аргентина президенти Хавер Милей терма жамоа сардори Лионел Мессини Францияга қарши қаратилган ирқчиликка қарши қўшиқлар учун кечирим сўрашга чақирган мамлакат спорт вазири ўринбосари Хулио Гаррони ишдан бўшатди.

“Ҳеч бир ҳукумат Аргентина терма жамоаси, жаҳон чемпиони ва икки карра Америка чемпиони ёки бошқа ҳар қандай фуқаро учун нимани изоҳлаш, нима ўйлаш ва нима қилиш кераклигига мажбурлай олмайди. Шу сабабдан Хулио Гарро Аргентина спорт вазири ўринбосари лавозимини тарк этади”, –  дейилади расмий баёнотда.

Эслатиб ўтамиз, ирқчиликка қаратилган қўшиқ Аргентина терма жамоаси футболчилари томонидан Америка кубоги финалида (1:0) Колумбия устидан қозонган ғалабадан сўнг ижро этилган эди.

Аргентиналик футболчи Энсо Фернандес кубокни қўлга киритганини нишонлар экан, ижтимоий тармоқда жонли эфирни бошлади ва жамоадошлари билан бирга: “Улар Франция терма жамоасида ўйнашади, лекин барчаси Анголадан”, – деб куйлашди.

• Месси