Миллий аэронавтика ва коинот агентлиги (NASA) “Axiom Space” компанияси томонидан ишлаб чиқилган янги скафандрларни (космик костюм) намойиш қилди. Улар космонавтлар томонидан 2025 йилга режалаштирилган “Артемида III” ой миссияси вақтида кийилади.

Қайд этилишича, “Axiom Extravehicular Mobility Unit” (AxEMU) деб номланган прототип костюми 15 март, чоршанба куни бўлиб ўтган тадбирда намойиш этилган. У қуюқ кулранг рангда ишланган ва “Бутун инсоният учун” телесериалида ишлаган костюм дизайнери Эстер Маркиз билан биргаликда яратилган. Охирги версия астронавтлар учун иссиқликни яхшироқ акс эттириш мақсадида оқ рангда бўлади.

“NASA'нинг “Axiom” билан ҳамкорлиги астронавтларни Ойга қўндириш ва Американинг коинотдаги етакчилигини сақлаб қолиш учун жуда муҳим ҳисобланади. NASA'нинг кўп йиллик тадқиқотлари ва тажрибасига асосланиб, янги авлод “Axiom” костюмлари нафақат Ойга чиққан биринчи космонавт аёлга унинг сиртида юришга имкон беради, балки Ернинг табиий йўлдошида инсоният учун ҳар қачонгидан ҳам кўпроқ уни тадқиқ қилиш ва илмий тадқиқотлар олиб бориш имкониятларини очиб беради”, – дейди NASA вакили.

NASA астронавтлари космик кема кунларидан бери бир хил асосий скафандр дизайнидан фойдаланган ва технология 40 йил давомида деярли ўзгармаган. Эски космик костюм дизайни шу вақт ичида ўзини исботлаган бўлса-да, у космонавтнинг ҳаракат доирасини кескин чеклайди.

Хабарларга кўра, янги версия ҳаракатчанлик ва ихчамликка урғу берилган ҳолда яратилган бўлиб, космонавтлар қулай юришлари, эгилишлари ва ҳатто чўккалаб туришлари учун яратилган. Буларнинг барчаси, айниқса, ойда бўлгани каби, паст тортишиш кучи шароитида ишлашда жуда муҳимдир.

Костюмнинг қўллаб-қувватловчи тузилиши, айниқса пастки қисмида, ой муҳитида унинг сиртидан нарсаларни кўтара олишни осонлаштиради.

Унинг дубулғаси, шунингдек, гумбаз устидаги ёруғлик қўшимчасини олди, бу жиҳат яхши кўринишни таъминлайди ва ён томонида юқори аниқликдаги видеокамера ҳам мавжуд. Яратилган қулайликлар эса биринчи шахс видеоларни бевосита Ерга трансляция қилиши учун имкон беради.

Бундан ташқари аввалги скафандрлардаги ботинкалар ҳам янгиланган. Шу тариқа космонавтлар ойнинг доимий сояли ҳудудларида совуқ шароитда қулай ишлашлари учун янада ишончли изоляцияга эга бўлишди.

• Коинот
• НАСА