НАТО 14 октябрь, душанба куни ҳар йили ўтказиладиган Steadfast Noon ядровий машқларини бошлайди. Бу ҳақда иттифоқнинг янги бош котиби Марк Рутте маълум қилди.

Reuters маълумотларига кўра, машғулотларда 13 мамлакатдан 60 га яқин самолёт, жумладан F-35а қирувчи самолётлари ва б-52 бомбардимончилари иштирок этади.

“Барча машқлар асосан Буюк Британия, Шимолий денгиз ва Белгия ва Голландияга қаратилади. Беқарор дунёда бизнинг мудофаамизни синаб кўриш ва уни мустаҳкамлаш жуда муҳим, шунда рақибларимиз НАТО тайёр ва ҳар қандай таҳдидга жавоб беришга қодирлигига ишонч ҳосил қилади”, - деди Рутте.

Машғулотлар давомида жанговар қурол ишлатилмайди. Бироқ, машғулотларда қатнашадиган 2000 га яқин ҳарбий хизматчилар ҳарбий самолётлар АҚШ ядровий каллакларини олиб юрадиган миссияларга тақлид қилишади. Машқлар тахминан икки ҳафта давом этади.

• Жаҳон
• НАТО