Қозоғистоннинг биринчи президенти тўғрисидаги қонун мамлакат конституциясидан собиқ давлат раҳбари Нурсултон Назарбоевга оид ҳаволалар чиқариб ташланганидан кейин ўз кучини йўқотган деб топилиши керак. Бу ҳақда республика Конституциявий суди қарорида маълум қилинди.
Қайд этилишича, Қозоғистонда 2022 йил июнь ойида референдумда фуқаролар томонидан қўллаб-қувватланган конституцияга киритилган ўзгартириш ва қўшимчалар кучга кирди. Ўзгартиришлар қаторида мамлакатнинг асосий қонунидан биринчи президент Нурсултон Назарбоевга оид барча ҳаволаларни олиб ташлаш ҳам бор. Хусусан, конституциянинг 46-моддасидан биринчи президентнинг мақоми ва ваколатлари конституция ва тегишли конституциявий қонун билан белгиланиши тўғрисидаги банд олиб ташланди.
Конституциявий суд мамлакат парламенти депутатлари гуруҳининг тегишли мурожаатини кўриб чиқиб, унинг фикрича, 2022 йил 5 июндаги республика референдумидан сўнг, шахсий конституциявий ҳуқуқ мавжудлигининг конституциявий-ҳуқуқий асосларини истисно қилганини таъкидлади.
“Қозоғистон Республикасининг Биринчи Президенти – Элбоши (миллат етакчиси – таҳр.) тўғрисида”ги қонун ва конституциядаги республиканинг биринчи президентига оид бошқа ҳаволалар, “ушбу конституциявий қонуннинг амалдаги қонун ҳужжатларида сақланиши назарда тутилган конституциянинг янгиланган таҳририга мос келмайди”.
“Қозоғистон халқининг 2022 йил 5 июндаги республика референдумида билдирилган Конституциядан 46-модданинг 4-бандини ва бошқа нормаларни чиқариб ташлаш тўғрисидаги хоҳиш-иродасидан келиб чиқиб, ҳозирги вақтда Қозоғистон Республикаси Конституциясида "Қозоғистон Республикасининг Биринчи Президенти - Элбоши тўғрисида"ги конституциявий қонунни Қозоғистон Республикасининг амалдаги қонунида сақлаб қолиш учун ҳуқуқий асослар мавжуд эмаслиги, шу муносабат билан у ўз кучини йўқотган деб топилиши керак”, — дейилади Конституциявий суднинг веб-сайтида эълон қилинган қарорида.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!