Космосда сизнинг ҳайқириқларнингизни ҳеч ким эшита олмайди. Чунки у ерда на овоз, на акс-садо бор. Астрономия фанлари профессори Крис Импей буларнинг барчаси нима билан боғлиқлигини тушунтирди.

Овоз - бу қаттиқ жисм, суюқлик ёки газ орқали атрофга тарқаладиган тўлқин ҳисобланади. У товуш пайчаларининг тебраниши натижасида ҳосил бўлади.

Овоз тўлқини ҳавода тез тарқалади. Унинг тезлиги соатига 1223 километрни ташкил этади, бу тижорат самолётининг тезлигидан ҳам тезроқ.

Аммо космос - бу вакуум. Яъни деярли ҳеч қандай материяни ўз ичига олмаган макон. Овозни атомлар ва молекулалар олиб боради. Космосда товуш тўлқинини олиб юрувчи атомлар ва молекулалар йўқ, шунинг учун ҳам товуш йўқ.

Космосга чиққанда буни синаб кўришга шошилманг. Бошингиздан скафандрни ечишингиз билан 10-15 сония ичида кислород етишмаслиги сабаб ҳушингизни йўқотасиз.

• kosmos