Исроил Бош вазири Бинямин Нетаняху Эрон унинг ўғилларидан бирини ўлдиришга уринганини маълум қилди. Бироқ у воқеа қачон содир бўлгани, қайси ўғли нишонга олингани ва суиқасд режаси қай даражада амалга оширилганига аниқлик киритмади. Бу ҳақда Нетаняху 24 август куни Исроилнинг “Чаннел 14” телеканалига берган телефон интервюсида айтди.

“Эрон ўғилларимдан бирини нишонга олди. Эрон ўғилларимдан бирини ўлдиришга уринди”, — деди Нетаняху.

Бош вазир қайси ўғли нишонга олинганини маълум қилмаган. Унинг катта ўғли Яир Маямида яшайди. Эроннинг Ню-Ёркдаги БМТдаги ваколатхонаси эса Нетаняхунинг бу айбловларига ҳозирча муносабат билдирмаган.

Нетаняху бу баёнотни Исроилда 27 октябрга режалаштирилган умумий сайловлар арафасида берди. Сўнгги жамоатчилик фикри сўровларида унинг коалитсияси рақибларидан ортда қолмоқда.

Шунингдек, Нетаняху Шин Бет хавфсизлик хизмати раҳбари Давид Зинига бош вазирликка номзодларнинг барчаси учун тегишли хавфсизлик чораларини таъминлаш зарурлигини билдирганини айтди.

Аввалроқ Исроил Бош вазири Бинямин Нетаняху АҚШ Президенти Доналд Трамп билан очиқ зиддиятга киришишга тайёр экани ҳақида хабарлар тарқалган эди.