31°
Кечаси 18°
ТикТок АҚШ ҳукуматига болаларнинг шахсий маълумотларини ҳимоя қилиш талабларини бузгани ҳақидаги ишни якунлаш учун 400 миллион доллар тўлашга рози бўлди. Бу болалар махфийлиги билан боғлиқ АҚШдаги энг йирик келишувлардан бири ҳисобланади. Бу ҳақда ББC хабар берди.
Келишув АҚШ Адлия вазирлигининг 2024-йилда ТикТок ва унинг бош компанияси БйтеДанcеъга қарши киритган даъвоси билан боғлиқ. Унда компаниялар 13 ёшдан кичик бўлган миллионлаб фойдаланувчиларнинг “катта миқдордаги” шахсий маълумотларини тўплагани ва шу орқали 2000-йилда қабул қилинган Болалар онлайн махфийлигини ҳимоя қилиш тўғрисидаги қонун (CОППА) талабларини бузганликда айбланган.
Келишувга кўра, ТикТок ва БйтеДанcе АҚШ Адлия вазирлигига 300 миллион доллар тўлайди. Қолган 100 миллион доллар эса АҚШ Федерал Савдо комиссияси билан 2019-йилда тузилган келишув бекор қилинганидан сўнг тўланиши керак.
Бу ТикТокънинг болалар махфийлиги билан боғлиқ илк муаммоси эмас. Компаниянинг аввалги номи Мусиcал.лй 2019-йилда CОППА талабларини бузганликда айбланиб, 5,7 миллион доллар жаримага тортилган. Ўшанда компанияга 13 ёшдан кичик фойдаланувчилар учун ота-оналарнинг розилигини олиш талаби қўйилган.
АҚШ ҳукумати 2024-йилда судга мурожаат қилганида, ТикТокъдан 170 миллиондан ортиқ америкалик ўсмир фойдаланишини маълум қилган. Даъвода платформа болаларни фаол жалб қилаётгани, бироқ фойдаланувчиларнинг ёшини самарали аниқлаш ва вояга етмаганлар учун ота-она розилигини олиш механизмлари етарли эмаслиги таъкидланган.
Даъво киритилганидан буён ТикТок эгалик тузилмаси, махфийлик сиёсати ва ёш фойдаланувчиларни ҳимоя қилиш механизмларини сезиларли даражада ўзгартирган.
Қайд этилишича, мазкур келишув ТикТокънинг Хитойдаги оператсияларига тааллуқли. Компаниянинг АҚШдаги бизнеси эса ўтган йили алоҳида тузилмага ажратилган. Ҳозир унинг 81 фоизи инвесторлар консорсиумига, 19 фоизи эса БйтеДанcеъга тегишли.
Эслатиб ўтамиз, аввалроқ АҚШнинг Ню-Мексико штати суди Мета компаниясини ўсмирларнинг руҳий саломатлигига зарар етказганликда айбдор деб топгани ҳақида хабар берилган эди. Суд компанияга 567 миллион доллар товон пули тўлаш ва Фаcебоок ҳамда Инстаграмъда вояга етмаганлар хавфсизлигини кучайтириш мажбуриятини юклаган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
