25 август куни Ўзбекистон ҳудудларида асосан бироз булутли об-ҳаво кузатилади. Аксарият жойларда ёғингарчилик кутилмайди.

Айрим ҳудудларда шамол тезлиги кучайиб, чанг-тўзонлар юзага келиши мумкин.

Республика бўйича кундузги ҳарорат +32…+38 даража, кечаси эса +17…+23 даража атрофида бўлади.

Энг юқори ҳарорат Қашқадарё ва Сурхондарё вилоятларида қайд этилиб, ҳаво +40 даражагача исиши кутилмоқда.

Бухоро ва Навоий вилоятларида шамол кучайиши, айрим жойларда чанг-тўзонлар кузатилиши мумкин.

Тоғли ҳудудларда эса ҳаво нисбатан салқин бўлади. Бу ерларда кечаси +12…+17 даража, кундузи эса +22…+27 даража ҳарорат кузатилади.

Метеорологлар фуқароларга, айниқса куннинг иссиқ вақтида, эҳтиёт чораларига риоя қилишни тавсия этмоқда.