Оқ уй матбуот котибининг маълум қилишича, Нетаняху Ғазода гуманитар танаффуслар қилишга рози бўлган.
Исроил бош вазири Нетаняхунинг идораси бир неча кундан бери қочқинлар учун коридорлар очилаётганини билдирган.
Оқ уй матбуот котиби Кирбининг сўзларига кўра, гуманитар танаффуслар тўрт соат давом этади, улар бошланишидан тахминан уч соат олдин огоҳлантирилади. Паузалар вақтида иккита гуманитар коридор ишлайди, бу эса тинч аҳолига секторнинг жанубига кўчиб ўтиш имконини беради.
“Исроилликлар бизга пауза вақтида бу ҳудудларда ҳеч қандай ҳарбий амалиётлар ўтказилмаслигини айтди”, — деган Оқ уй матбуот котиби.
Исроил АҚШ билан маслаҳатлашувлар, жумладан, бош вазир Бинямин Нетаняху ва президент Жо Байден ўртасидаги суҳбатдан кейин гуманитар паузаларни бошлашга қарор қилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!