Агар танада қовоқ билан кечадиган ички касалликлар бўлмаса, бу ҳолат уйқу ва ором билан бевосита боғлиқ бўлиши мумкин. Баъзан кўп ухлаш ёки уйқуга тўймаслик натижасида юзда, асосан кўз остида шишлар пайдо бўлади. Мутахассисларнинг таъкидлашича, ҳаттоки паст ёстиқда ухлаш ҳам кўз ости шишларига сабаб бўлар экан.

Бу шишларга қарши курашиш учун ухлайдиган ёстиғингизнинг баландлиги 12-15 сантиметр бўлишини таъминланг. Тўшагингиз қанча қаттиқ бўлса, бошингиз остидаги ёстиғингиз шунча баланд бўлсин.

Ёғли кремлар ҳам терининг “нафас олишига” тўсқинлик қилади. Ўз навбатида кислород тансиқлиги ҳам шишларга олиб келиши мумкин.

Хўш бунга қарши қандай курашиш мумкин? Терига ёғли крем суртганингиздан кейин ярим соат ўтгач, ортиқчасини нам сочиқда енгил артиб ташланг.

Хотин-қизларимизнинг ой кўриш кунларида кузатилувчи ҳолсизлик, бош оғриғи ва уйқучанлик ҳам шишлар пайдо бўлишига туртки бўлиши мумкин. Шишларнинг бу тури ҳайз кунлари тугагач, ўтиб кетади.

Ёрқиной Тошпўлатова, терапевт

Манба: “Шифо-инфо” газетаси

• Фойдали
• Lifestyle
• қизиқарли
• саломатлик