Финляндиянинг телекоммуникация ускуналари ишлаб чиқарувчи “Nokia” компанияси Россияга ўз маҳсулотларини етказиб беришни тўхтатмоқда. Бу ҳақда “Reuters” агентлиги хабар берди. 

Қайд этилишича, бунинг сабаби Россиянинг Украинадаги махсус операцияси ва шу сабабли АҚШ ҳамда Европа Иттифоқи томонидан Россияга қарши жорий қилинган санкциялар ҳисобланади.

“Nokia” вакили агентликка ушбу вазият мураккаб экани ва тез суръатлар билан ривожланиб бораётганини, шу муносабат билан компания уни доимий равишда баҳолаб боришини айтиб ўтган. Нокианинг Россия ваколатхонаси ушбу масала бўйича сўровга жавоб бермаган.

Маълум қилинишича, “Vimpelcom”, “Megafon” ва “Tele 2” бу масала бўйича изоҳ беришдан бош тортган. “NeoAnalytics” маълумотларига кўра, 2020-йилда Россия телекоммуникация ускуналари бозори ҳажми 1,15 триллион рублни ташкил этган. Бозорнинг 93 фоизи эса хорижий етказиб берувчилар ҳиссасига тўғри келади.

Бозор етакчилари – Швециянинг “Ericsson”, “Nokia” ва Хитойнинг “Huawei” компанияларидир. Бозорда Хитойнинг ZTE, Япониянинг NEC ва Жанубий Кореянинг “SAMSUNG” компаниялари ҳам бор.

Қайд этилишича, бир неча кун аввал “Эриcссон” ҳам Россияга маҳсулот етказиб беришни тўхтатган эди.

• АҚШ
• Nokia
• Россия
• Санкция
• Швеция